Atzo BIME kongresuan egon nintzen, eta esperientzia benetan inspiragarria izan zen. Egun horrek erakutsi zidan nola mundu digital eta sortzailea elkartu daitezkeen, markek eta artistek elkar elikatuz kultura berriak sortzeko. Lehen hitzaldian, Cervezas Alhambra markak Sosegá proiektua aurkeztu zuen; flamencoaren eta artisautzaren bidez, markak bere ehun urteko historia ospatu zuen.

Bigarren hitzaldian, markek nola “sentiarazi” dezaketen aztertu zen. Ez da nahikoa logotipo erakargarri bat edukitzea; emozioek erabakiak gidatzen dituzte gero eta gehiago. Ideia hori oso inspiratzailea iruditu zitzaidan marketinaren arloan ari garenontzat.

Hitzaldiez gain, gazte ekintzaileen proiektuak ezagutzeko aukera izan genuen. Haien ilusioa eta sormena kutsagarriak izan ziren, talentua eta pasioa uztartuz gauza handiak lor daitezkeela erakutsiz. Zalantzarik gabe, berriro joango nintzateke esperientzia aberasgarri hau bizitzera.